გიორგი ტაბატაძე დანიის სუპერლიგაში ითამაშებს

გიორგი ტაბატაძე კარიერას დანიის სუპერლიგის კლუბ ვეილეში გააგრძელებს.

ტაბატაძემ დანიაში უკვე გაიარა სამედიცინო შემოწმება და ახალ გუნდთან კონტრაქტიც გააფორმა.

გიორგი იბერიას აკადემიის აღზრდილია. ის მთავარ გუნდში 2024 წლის სეზონში დაწინაურდა. ტაბატაძემ პირველი გუნდის მაისურით ჯამში 37 მატჩი ჩაატარა, გაიტანა 3 გოლი და 8 საგოლე გადაცემა შეასრულა.

ეროვნული გუნდის გასულ ტურში 19 წლის მოთამაშემ გორის დილასთან დუბლი და 1 საგოლე გადაცემა მიითვალა.

ტაბატაძე ამპლუით მარცხენა მცველია, თუმცა მარჯვენა შემტევად და საყრდენ ნახევარმცველად თამაშიც შეუძლია.

ქართველის ახალი გუნდი, ვეილე დანიის სუპერლიგაში ჩატარებული 5 ტურის შემდეგ 4 ქულით მე-10 ადგილზეა.