გოგას 7 ქულა, სანდროს - 14, ორლანდომ და სან ანტონიომ პრე-სეზონი მარცხით დაიწყეს

NBA-ს პრე-სეზონზე თავისი პირველი მატჩი გამართა ორლანდო მეჯიქმა, რომელიც ნიუ ორლეანს პელიკანსს დაუპირისპირდა და 106-104 დამარცხდა.

გოგა ბითაძემ პარკეტზე 10 წუთი გაატარა და ამ დროში 7 ქულა, 9 მოხსნა და 1 შედეგიანი გადაცემა მიითვალა.

that's a bucket

Goga for three pic.twitter.com/hmJnK42r1b

— Orlando Magic (@OrlandoMagic) October 7, 2024

მთლიანად მატჩში კი გამორჩეული ნიუ ორლეანსის მოთამაშეები - ჯორდან ჰოუკინსი და ზაიონ უილიამსონი იყვნენ, რომელმაც 18 და 16 ქულა მიითვალეს.

თავისი პირველი შეხვედრა ჩაატარა სან ანტონიო სპურსმაც, რომელიც ოკლაჰომა სიტი თანდერს შეხვდა და 107-112 წააგო.

სანდრო მამუკელაშვილმა 18 წუთი ითამაშა და 14 ქულა, 3 მოხსნა და 1 შედეგიანი გადაცემა ჩაიწერა აქტივში.

Mamuuuuuu 🗣️ pic.twitter.com/sAXN2uaYKE

— San Antonio Spurs (@spurs) October 8, 2024

თამაშში ყველაზე შედეგიანი კი სან ანტონიოს მოთამაშე ჯულიან ჩამპანი იყო, რომელმაც 22 ქულა და 7 მოხსნა მიითვალა, თუმცა ეს სპურსის გამარჯვებისთვის საკმარისი არ აღმოჩნდა.

პრე-სეზონის მომდევნო მატჩში ბითაძის ორლანდო და მამუკელაშვილის სან ანტონიო ერთმანეთს დაუპირისპირდებიან. შეხვედრა 10 ოქტომბერს გაიმართება.