MLS-მა მსოფლიო ჩემპიონატის დასრულების შემდეგ ასპარეზობა მასშტაბური ტურით განაახლა.
მე-17 ტურში 15 მატჩი გაიმართა, სადაც რამდენიმე გამორჩეული მოვლენა და ვარსკვლავების წარმატებული დებიუტი დაფიქსირდა.
განსაკუთრებით აღსანიშნავია ფრანგი ლეგენდის, ანტუან გრიზმანის ფენომენალური დებიუტი ორლანდო სიტის შემადგენლობაში, სადაც მან სან-ხოსეს წინააღმდეგ გამართულ მატჩში გოლი გაიტანა და თანაგუნდელებს 5 საგოლე მომენტი შეუქმნა, რითაც გუნდმა 4:0 გაიმარჯვა.
მიუხედავად იმისა, რომ ლიონელ მესი და როდრიგო დე პაული ისვენებდნენ, ინტერ მაიამმა ხასიათი გამოავლინა და ჩიკაგო ფაიერი 3:2 დაამარცხა, სადაც გადამწყვეტი გოლი 20 წლის პრესტონ პლამბეკმა გაიტანა.
შთამბეჭდავ ფორმაშია სონ ჰინ მინის ლოს ანჯელესიც, რომელმაც რეალ სოლტ ლეიკს 3:1 სძლია, კორეელმა თავდასხმელმა კი აქტივში 1 გოლი და 1 საგოლე გადაცემა ჩაიწერა.
ტურში ასევე აღსანიშნავია სინსინატისა და ვანკუვერის მატჩი, რომელიც შვიდგოლიან თრილერში მასპინძელთა გამარჯვებით 4:3 დასრულდა, ხოლო სენტ-ლუისმა ლოს ანჯელეს გალაქსი 3:1 დაამარცხა.
რთულ პერიოდს გადის სიათლ საუნდერსი, რომელმაც ოსტინთან 1:3 წააგო და ზედიზედ მეოთხე მარცხი იწვნია.
