ჰარი კეინმა სტივენ ჯერარდს აჯობა: ისტორიული რეკორდი პარიზში

ჰარი კეინმა სტივენ ჯერარდის რეკორდი დაამხო: ინგლისელმა პსჟ-სთან მატჩში ისტორია დაწერა.

ჰარი კეინი თავის ფენომენალურ 2025/26 წლების სეზონს აგრძელებს. ჩემპიონთა ლიგის ნახევარფინალში, მიუნხენის ბაიერნისა და პსჟ-ს დაპირისპირებაში, ინგლისელმა თავდამსხმელმა ანგარიში ადრეულად გახსნა.

მატჩის დასაწყისი დინამიკური გამოდგა: ჯერ პარიზელები ითხოვდნენ პენალტს უსმან დემბელეს წაქცევისთვის, თუმცა მსაჯმა თამაში არ გააჩერა. რამდენიმე წუთში კი თერთმეტმეტრიანი უკვე მიუნხენის ბაიერნის სასარგებლოდ დაინიშნა – ლუის დიასზე ვილიან პაჩომ იხეშა.

კეინმა, რომელიც მიუნხენელთა საუკეთესო ბომბარდირია, პასუხისმგებლობა საკუთარ თავზე აიღო, მატვეი საფონოვი საპირისპირო მხარეს გაგზავნა და ამ სეზონში თავისი 54-ე გოლი გაიტანა.

ამ გოლით ინგლისის ნაკრების კაპიტანმა სტივენ ჯერარდის რეკორდი მოხსნა – ის გახდა პირველი ინგლისელი ფეხბურთელი ისტორიაში, რომელმაც ჩემპიონთა ლიგის ზედიზედ ექვს მატჩში შეძლო გოლის გატანა.