იტალიელი სპორტული ჟურნალისტის, ფაბრიციო რომანოს ინფორმაციით ხვიჩა კვარაცხელია პარი სენ-ჟერმენის ფეხბურთელი ხდება და კარიერას ლიგა 1-ში გააგრძელებს.
ნაპოლისა და პსჟ-ს შორის დღეს საბოლოო შეთანხმება შედგა. RMC Sport-ის ცნობით, სატრანსფერო თანხად 70 მილიონი ევრო განისაზღვრა.
ხვიჩა კვარაცხელია პარიზულ კლუბთან 5-წლიან კონტრაქტს გააფორმებს. ქართველმა ფეხბურთელმა უკვე დატოვა ნაპოლის სავარჯიშო ბაზა და მალე საფრანგეთის დედაქალაქში გაემგზავრება.
ლავეცი, კავანი, რუისი და ხვიჩა - ნაპოლიდან პსჟ-ში წასულები
პსჟ-მ უკვე დაგეგმა კვარაცხელიას სამედიცინო შემოწმება ამ კვირაში. პარიზელთა სპორტულმა დირექტორმა, ლუის კამპოსმა სიტყვიერ შეთანხმებას ორშაბათს მიაღწია, კლუბის პრეზიდენტებმა, ნასერ ალ ხელაიფიმ და აურელიო დე ლაურენტისმა კი გარიგება საბოლოოდ დღეს დახურეს.
ნაპოლი ქართველი შემტევის შემცვლელს უკვე აქტიურად ეძებს.
იუვეს განადგურებიდან ხვიჩას წასვლამდე - რა მოხდა ნაპოლიში ზუსტად 2 წელიწადში?
