ფაბრიციო რომანოს ინფორმაციით, ტოტენჰემმა რობერტო დე ძერბის ახალ მთავარ მწვრთნელად დანიშვნის შესახებ შეთანხმებას მიაღწია.
გუშინ გავრცელებული ინფორმაცია ახლა უკვე დადასტურებულია: დე ძერბიმ ტოტენჰემის შეთავაზება მიიღო და გუნდს სათავეში ახლავე ჩაუდგება.
მხარეებს შორის ხუთწლიანი კონტრაქტი მზადდება ხელმოსაწერად, დე ძერბიმ კი იმ გამოწვევის მიღება გადაწყვიტა, რომელსაც ტოტენჰემის პრემიერ ლიგაში დარჩენა ჰქვია.
იტალიელ სპეციალისტს პრემიერ ლიგაში მუშაობის გამოცდილებაც უმაგრებს ზურგს - 2022-2024 წლებში ის ბრაიტონს ედგა სათავეში.
პრემიერ ლიგაში ამ სეზონში ტოტენჰემს 7 მატჩი დარჩა ჩასატარებელი, გასავარდნ ზონას კი ლონდონელები მხოლოდ 1 ქულით უსწრებენ.
