ბაიერნის საპატიო პრეზიდენტმა ული ჰიონესმა ნიკოლას ჯექსონის იჯარის დეტალებზე ისაუბრა.
სენეგალელი ფეხბურთელი ბაიერნს ჩელსიდან იჯარით შეუერთდა და იწერებოდა, რომ მომავალ ზაფხულს ბაიერნი იძულებული იქნება, ფეხბურთელი გამოისყიდოს.
უშუალოდ იჯარა ბაიერნს 16.5 მილიონი ევრო დაუჯდა, გამოსყიდვის შემთხვევაში კი ტრანსფერის ღირებულება 80 მილიონს გადააბიჯებს.
„ფეხბურთელმა და აგენტმა 3 მილიონი საკუთარი ჯიბიდან გადაიხადეს, შესაბამისად ჩვენ იჯარა 13.5 მილიონი ევრო დაგვიჯდა.
სრულფასოვანი კონტრაქტი მასთან არ გაფორმდება. მისი გამოსყიდვის აუცილებლობა გვექნება, თუ ის 40 მატჩს დაიწყებს სასტარტოდან, რაც არასდროს არ მოხდება." - აღნიშნა ჰიონესმა.
