ჰოილუნდის დუბლი ტურის ცენტრალურ მატჩში - მოქმედმა ჩემპიონმა იუვენტუსი დაამარცხა

სერია ა-ს მე-14 ტურში ნაპოლიმ შინ იუვენტუსს 2:1 მოუგო.

ორივე გოლი მასპინძელთა რიგებში რასმუს ჰოილუნდმა გაიტანა მე-7 და 78-ე წუთებზე, იუვეს მხრიდან კი 59-ე წუთზე თავი კენან ილდიზმა გამოიჩინა.

სპალეტის მოსვლის შემდეგ ეს იუვენტუსის პირველი მარცხია - გუნდი 23 ქულით მე-7 ადგილს იკავებს, ნაპოლიმ კი 31 ქულა დააგროვა და ცხრილს ერთპიროვნულად ჩაუდგა სათავეში.

საინტერესოა, რომ სპალეტის და ანტონიო კონტეს ხანგრძლივ სამწვრთნელო კარიერებში ეს პირველი გადაკვეთა იყო და გამარჯვება დიეგო მარადონას სტადიონზე ნაპოლის თავკაცს დარჩა.

იუვენტუსი ევროტურნირების ზონას 1, ხოლო ჩემპიონთა ლიგის ზონას 4 ქულით ჩამორჩება.