ესპანეთის ნაკრების მთავარმა მწვრთნელმა, ლუის დე ლა ფუენტემ, ფინალის წინ გულშემატკივრები დაამშვიდა და განაცხადა, რომ ლამინ იამალის ტრავმა სერიოზული არ არის.
19 წლის ვარსკვლავი საფრანგეთთან მატჩის დროს რამდენჯერმე კოჭლობდა, თუმცა ექიმების პირველადი შეფასებით, ის კვირას გასამართ ფინალს მზად შეხვდება.
რაც შეეხება პედრო პოროს, რომელიც მოედნიდან 85-ე წუთზე გაიყვანეს, მას კუნთის გადაღლილობა აწუხებს და მისი მდგომარეობა უახლოეს დღეებში გაირკვევა.
იამალს სერიოზული არაფერი სჭირს, ექიმებს უკვე ველაპარაკე. პოროს კი, როგორც ჩანს, გადატვირთვის გამო კუნთის პრობლემა აქვს, თუმცა ზუსტ პასუხს ხვალ გვეტყვიან
დე ლა ფუენტემ ნაკრების თამაშიც შეაფასა და აღნიშნა, რომ ესპანელი ფეხბურთელები მსოფლიოში საუკეთესოდ იგებენ თამაშს. მატჩის დასრულების შემდეგ გუნდს წარმატება თავად ესპანეთის მეფემ, ფილიპე VI-მ ტელეფონით მიულოცა. ესპანეთი ფინალში ინგლისისა და არგენტინის წყვილის გამარჯვებულს დაუპირისპირდება.
