იანის ანტეტოკუნმპოს გაცვლაზე შეთანხმება შედგა

მილუოკი ბაქსი კლუბის ლეგენდას, იანის ანტეტოკუნმპოს, და ბობი პორტისს მაიამი ჰიტში უშვებს.

სანაცვლოდ, ბაქსი მიიღებს ტაილერ ჰიროს, კელ’ელ უეარს, ხაიმე ხაკეს უმცროსს, კასპარას იაკუჩიონისს, NBA-ის დრაფტის პირველი რაუნდის სამ არჩევანს (მათ შორის წლევანდელ დრაფტზე მე-13 პიკს), ერთი პიკის გაცვლის უფლებას და მეორე რაუნდის ერთ არჩევანს.

ინფორმაციას ESPN-ის ცნობილი ინსაიდერი ჟურნალისტი შამს ჩარანია ავრცელებს.

წყაროს ცნობით, მაიამი მილუოკის ასევე გადასცემს 2031 და 2033 წლების პირველი რაუნდის დაუცველ არჩევანებს, მე-13 პიკს, 2030 წლის პიკების გაცვლის უფლებას და 2033 წლის მე-2 რაუნდის არჩევანს.

გარიგებაში დამატებითი გუნდები არ მონაწილეობენ - ეს პირდაპირი გაცვლაა ჰიტსა და ბაქსს შორის.

შეთანხმება ოფიციალურად 6 ივლისს შესრულდება, თუმცა ორივე კლუბი კვლავ ტოვებს შესაძლებლობას, რომ გარიგება გაფართოვდეს.

გასულ წელს, მაგალითად, ფინიქს სანსსა და ჰიუსტონ როკეტსს შორის შეთანხმება საბოლოოდ ისტორიულ, 7-გუნდიან გაცვლად გადაიქცა.

ჰიტის პრეზიდენტმა პეტ რაილიმ დიდი ხნის განმავლობაში ნანატრი კიდევ ერთი მასშტაბური ტრანსფერი განახორციელა.

ანტეტოკუნმპო შეუერთდება იმ ვარსკვლავთა ჩამონათვალს, რომლებიც ბოლო 30-ზე მეტი წლის განმავლობაში მაიამიში გადავიდნენ, მათ შორის ლებრონ ჯეიმსი, შაკილ ო’ნილი, კრის ბოში, ალონზო მორნინგი და ჯიმი ბატლერი.

ორგზის MVP და 2021 წლის ფინალების MVP ბამ ადებაიოსთან ერთად აღმოსავლეთ კონფერენციაში ჩემპიონობისთვის ბრძოლას უხელმძღვანელებს.