ინფანტინოს ბედის გადამწყვეტი თარიღები ცნობილია - როდის წავა იგი?

ჯანი ინფანტინოს ფიფას პრეზიდენტობა სერიოზულ საფრთხეშია.

ინფანტინოს ირგვლივ სკანდალი მას შემდეგ დაიწყო, რაც მან მსოფლიო ჩემპიონატის კერძო კომპანიებისთვის მიყიდვა სცადა. ამ გეგმას ფეხბურთის ფედერაციების მხრიდან დიდი უკმაყოფილება მოჰყვა, ხოლო უეფა ტურნირის ბოიკოტით დაემუქრა.

მიუხედავად იმისა, რომ ინფანტინომ ეს გეგმა გადაიფიქრა, ბევრი ორგანიზაცია მაინც მის წინააღმდეგ დარჩა. ახლა ფეხბურთის ხელმძღვანელები ცდილობენ, რომ პრეზიდენტი თანამდებობიდან გადააყენონ.

მომავალი თვეები ამ საკითხში გადამწყვეტი იქნება:

5 აგვისტო - ინფანტინო მაროკოში ფიფას მთავარ წევრებს ხვდება, რომ სიტუაცია გამოასწოროს.

14 აგვისტო - გაირკვევა შესაძლებელია თუ არა მომავალში მსოფლიო ჩემპიონატის 64-გუნდიან ფორმატზე გადაყვანა.
23 სექტემბერი - ბოლო ვადაა იმისათვის, რომ დღის წესრიგში ინფანტინოსთვის უნდობლობის გამოცხადების საკითხი დადგეს.
18 ნოემბერი - კანდიდატებს შეუძლიათ თავიანთი კანდიდატურების წარდგენა მომავალი არჩევნებისთვის.
23 ნოემბერი - შესაძლოა ჩატარდეს საგანგებო კონგრესი და ხმათა უმრავლესობით ინფანტინოს გადაყენებაც მოხერხდეს.
18 მარტი, 2027 - ფიფას ოფიციალური საპრეზიდენტო არჩევნები მაროკოში.