ბარსელონას ვინგერმა, რაფინიამ, საკუთარი ჯანმრთელობის მდგომარეობის შესახებ ისაუბრა.
მანამდე გავრცელდა ინფორმაცია, რომ შემტევ ნახევარმცველს მარჯვენა ბარძაყის კუნთის გადატვირთვა დაუდგინდა. მან გამოტოვა ესპანეთის თასის 1/4 ფინალური მატჩი ალბასეტესთან (2:1) და ლა ლიგის შეხვედრა მალიორკასთან (3:0).
„თავს უკეთ ვგრძნობ, ნაბიჯ-ნაბიჯ მივიწევთ წინ. ვნახოთ, ვიქნები თუ არა მზად ხუთშაბათისთვის, დაველოდოთ. ვარიანტები არსებობს, თუმცა ყველამ ვიცით, რამდენად ხშირად ხდება ტრავმები. გუნდი ძალიან მენატრება“, – განაცხადა რაფინიამ.
ხუთშაბათს ბარსელონა ესპანეთის თასის ნახევარფინალში სტუმრად ატლეტიკოს დაუპირისპირდება.
მატჩი 12 თებერვალს, თბილისის დროით 23:55 საათზე გაიმართება.
