ისტორიული ფაქტი - სნუკერს პირველი აზიელი მსოფლიო ჩემპიონი კაცი ჰყავს

სნუკერში მსოფლიო ჩემპიონატი დასრულდა და ისტორიული ფაქტიც დაფიქსირდა. ფინალში ერთმანეთს ჩინელი ჟაო სინტონგი და უელსელი 3-გზის მსოფლიო ჩემპიონი, მარკ უილიამსი დაუპირისპირდნენ.

შეხვედრა ჩინელის გამარჯვებით 18-12 დასრულდა და ის გახდა პირველი აზიელი კაცი და ამავდროულად პირველი მოყვარული მოთამაშე, რომელმაც მსოფლიო ჩემპიონობა შეძლო.

ამასთან 28 წლის ჟაო გახდა მხოლოდ მე-3 მოთამაშე, რომელმაც კვალიფიკაციის გავლის შემდეგ მოიგო მსოფლიო ჩემპიონატი. ეს აქამდე მხოლოდ ტერი გრიფიტსმა (1979) და შონ მერფიმ (2005) შეძლეს.

ჟაომ საკვალიფიიკაციო ეტაპზე ჩონ კა ვაი, ლონგ ზეჯუანი, ლიუ ჰაოტიანი და ელიოტ სლესორი დაამარცხა, ძირითად ბადეში კი ჯეკ ჯონსს, ლი პაიფანს, კრის უეკლინსა და ლეგენდარულ რონი ო'სალივანს სძლია.

ჩინელის ეს მიღწევა კიდევ უფრო აღსანიშნავია იმის ფონზე, რომ ის ახლახანს დაბრუნდა 20-თვიანი დისკვალიფიკაციიდან, რომელიც მან მატჩების ჩაწყობის გამო მიიღო.

როგორც დაიწერა, ჩინეთში 150 მილიონმა ადამიანმა უყურა ჟაო სინტონგის ჩემპიონობას.