ჯოკოვიჩი როლან გაროსს ჩაეხსნა და პირველობა დაკარგა

როლან გაროსის 1/4 ფინალში გასული ნოვაკ ჯოკოვიჩი ტურნირს ტრავმის გამო ჩაეხსნა.

სერბმა ჩოგბურთელმა მუხლის ტრავმა მიიღო და დაზიანების შემოწმების შემდეგ დადგინდა, რომ ის ტიტულის დაცვას ვეღარ გააგრძელებს.

ჯოკოვიჩი 1/4 ფინალში ნორვეგიელ კასპერ რუდს უნდა შეხვედროდა, თუმცა რუდი პირდაპირ შემდეგ ეტაპზე გავა, 1/2 ფინალში კი ალექსანდერ ზვერევსა და ალექს დე მინორს შორის გამარჯვებულს შეხვდება.

ნოვაკის ტურნირიდან ნაადრევად გამოთიშვა ასევე იმას ნიშნავს, რომ მან ATP რეიტინგის ლიდერობა დაკარგა. როლან გაროსის შემდეგ N1 ჩოგანი იტალიელი იანიკ სინერი იქნება.