ჯონსი, დვალიშვილი, მაკგრეგორი - თეთრ სახლში ბრძოლის მსურველები

ამერიკის შეერთებული შტატების პრეზიდენტმა, დონალდ ტრამპმა თეთრ სახლში UFC-ის ღონისძიება დააანონსა.

პრეზიდენტის თქმით, 2026 წლის 4 ივლისს, აშშ-ის დამოუკიდებლობის დეკლარაციის 250-ე იუბილეზე თეთრი სახლი UFC-ის ბრძოლებს უმასპინძლებს, რომელსაც 25 ათასი ადამიანი დაესწრება.

აღნიშნულ ინფორმაციას ინტერესით შეეგებნენ თავად მებრძოლებიც და რამდენიმე მათგანმა უკვე სურვილიც გამოთქვა, რომ ამ ღონისძიებაზე მონაწილეობა მიიღოს.

"ბრძოლა თეთრ სახლში?" - დაწერა ჯონ ჯონსმა.

"აღტაცებული ვარ პრეზიდენტი ტრამპის განცხადებით UFC-ის საბრძოლო ღონისძიების ჩატარებაზე თეთრ სახლში. ჩემთვის პატივი იქნება. ჩამთვალეთ!" - ასეთია კონორ მაკგრეგორის გამოხმაურება.

"Let's go! იქ ბრძოლა მინდა." - თეთრ სახლში ბრძოლის სურვილი მერაბ დვალიშვილმაც გამოთქვა.