ილია თოფურია მერაბ დვალიშვილს ურჩევს, წონა შეიცვალოს და ორი წონითი დივიზიონის ქამრის დაუფლების შანსი ექნება. თოფურიას აზრით, მერაბს ალექსანდრ ვოლკანოვსკის დასამარცხებლად ყველაფერი აქვს.
"მერაბისნაირი კარგი ადამიანი ბევრი არ შემხვედრია, გამორჩეული და უმაგრესი ბიჭია. ბრძოლა უკვე ჩაენიშნა და მინდა წარმატება ვუსურვო.
მას ერთხელ უკვე ვუთხარი, რომ წონა შეიცვალოს და მეორე ქამრის მოგების 100%-იანი შანსი ექნება. მისი და ვოლკანოვსკის პოტენციურ ბრძოლაში, ეჭვი არ მეპარება, რომ მერაბი გაიმარჯვებს", - განაცხადა თოფურიამ.
თავის მხრივ, დვალიშვილს ნათქვამი აქვს, რომ სუპერ მსუბუქ წონაში თავს "ბედნიერზე მეტად" გრძნობს და უახლოეს მომავალში ცვლილებებს არ განიხილავს.
