როგორც ფრანგული გამოცემა RMC Sport იუწყება, მოჰამედ სალაჰი ინტერთან ხვალინდელ მატჩში მონაწილეობას ვერ მიიღებს.
მას შემდეგ, რაც ეგვიპტელმა ლივერპულის ზედიზედ სამი მატჩი სათადარიგო სკამზე დაიწყო და ბოლოში საერთოდ მოედანზეც არ გამოჩენილა, ფეხბურთელმა გაჩუმება აღარ მოისურვა და საჯაროდ გამოთქვა თავისი უკმაყოფილება პრესაში.
თანაც, საკმაოდ ვრცლად - "ვერ ვხვდები, რატომ უნდა სრულდებოდეს ყველაფერი ასე?", - სალაჰმა ლივერპულს გადაუარა
ლივერპულისთვის ამ ამბავს შეუმჩნევლად ცხადია არ ჩაუვლია და კლუბმა ეგვიპტელის დასჯა გადაწყვიტა. ამდენად, ის ინტერთან ხვალინდელი მატჩის განაცხადს მიღმა დარჩება და გუნდთან ერთად მილანშიც არ გაემგზავრება.
მიუხედავად ამ ამბისა, დღეს სალაჰმა გუნდთან ერთად ივარჯიშა და თუ სურათებით ვიმსჯელებთ, კარგ ხასიათზეც იყო.
ასეა თუ ისე, სალაჰი ზედიზედ მე-4 მატჩში არ იქნება ლივერპულის სასტარტოში. ოღონდ, ამჯერად სულაც განაცხადს მიღმა რჩება.
