ხვიჩა კვარაცხელია ტრავმას გადაურჩა.
ქართველმა ვარსკვლავმა ლანსთან გუშინდელ შეხვედრაში ფეხში მძიმე დარტყმა მიიღო, რის გამოც თამაშის გაგრძელება ვერ მოახერხა და 30-ე წუთზე შესაცვლელი გახდა.
Geo Team-ის ინფორმაციით, შემოწმებამ მხოლოდ მსუბუქი დაზიანება აჩვენა. ხვიჩა დღეს დაისვენებს, ხვალ კი უპრობლემოდ ივარჯიშებს და შესაბამისად, ატალანტასთან მატჩში მისი მონაწილეობა ეჭვქვეშ არ დგას.
ჩემპიონთა ლიგის ტიტულის დაცვას პსჟ 17 სექტემბერს, ატალანტასთან საშინაო მატჩით დაიწყებს.
