იოჰანეს ჰოსფლოტ კლებომ კიდევ ერთხელ დაამტკიცა, რომ კროს-ქანთრი თხილამურობის ლეგენდაა.
მილან-კორტინას ზამთრის ოლიმპიურ თამაშებზე ნორვეგიელმა რეკორდული, მე-6 ოქროს მედალი მოიპოვა. კლებომ ნამდვილი მასტერკლასი აჩვენა მამაკაცთა 50 კმ მას-სტარტში და ნორვეგიისთვის პოდიუმის სრული ტრიუმფი უზრუნველყო.
ამ გამარჯვებით მან დაამყარა ახალი რეკორდი, ერთ ზამთრის ოლიმპიადაზე ერთი სპორტსმენის მიერ მოპოვებული ყველაზე მეტი ოქროს მედალი, რითაც გადააჭარბა 46 წლის წინანდელ ნიშნულს, ხუთ ოქროს, რომელიც ამერიკელმა სიჩქარის მოციგურავემ ერიკ ჰაიდენმა 1980 წელს მოიპოვა.
„იმის შეძლება, რომ ექვსიდან ექვსივე მოვიგე, ამაზე უკეთესი არაფერი იქნებოდა. იტალიამ ამ ოლიმპიადაზე ძალიან კარგად მიმიღო.“ - თქვა კლებომ.
კლებოს ახლა უკვე 11 ოლიმპიური ოქრო აქვს სამ ზამთრის თამაშებზე. ყველა ოლიმპიელს შორის იგი საერთო ოქროს მედლების რაოდენობით მე-2 ადგილზეა და მხოლოდ ცურვის ამერიკელ ლეგენდას, მაიკლ ფელპსს ჩამორჩება, რომელსაც ოლიმპიური ისტორიაში რეკორდული 23 ოქრო აქვს.
„ძალიან მაგარია. ზოგიერთი ვიდეო ვირუსულად გავრცელდა და ხალხი უფრო მეტად იწყებს კროს-ქანთრი თხილამურობის დანახვას. ოლიმპიადა ბევრად უფრო მასშტაბურია, ვიდრე მსოფლიო ჩემპიონატი.“ - დაამატა კლებომ.
