ვაკო ყაზაიშვილი კარიერას კვლავ ჩინეთში გააგრძელებს.
"მეგობრული მოლაპარაკებების შედეგად, შანდუნ ტაიშანის საფეხბურთო კლუბმა ოფიციალურად გაახანგრძლივა კონტრაქტი ლეგიონერ ფეხბურთელ ვაკოსთან და მოთამაშე შანდუნ ტაიშანის რიგებში 2026 წლის სეზონშიც იასპარეზებს.
2025 წლის ჩინეთის სუპერლიგის სეზონში ვაკომ ყველა მატჩში მიიღო მონაწილეობა და 27 გოლი და 5 საგოლე გადაცემა მიითვალა.
მან ოთხი ჰეთ-თრიკი შეასრულა და ჩინეთის სუპერლიგის ერთ სეზონში შესრულებული ჰეთ-თრიკების რეკორდი მოხსნა. ის 2025 წლის ჩინეთის სუპერლიგის საუკეთესო ფეხბურთელად დასახელდა და გუნდის შეტევითი ხაზის უდავო ლიდერად იქცა.
ვიმედოვნებთ, რომ ვაკო მომავალ ვარჯიშებსა და მატჩებშიც შეინარჩუნებს შესანიშნავ ფორმას, გააგრძელებს ბრძოლას შანდუნ ტაიშანისთვის, დაეხმარება გუნდს მეტი ტიტულის მოპოვებაში და ერთად შევქმნით ახალ ეპოქას." - წერია ჩინური კლუბის განცხადებაში.
