კოპა ამერიკა 2024-ის ჯგუფი ეტაპი დასრულდა და 1/4 ფინალური წყვილებიც უკვე გარკვეულია.
ჯგუფის მე-3 ტურის მატჩში ბრაზილია კოლუმბიას დაუპირისპირდა, შეხვედრა 1-1 დასრულდა.
სელესაო პლეიოფში გავიდა, თუმცა იქ მათ დანაკლისი ექნებათ. საქმე იმაშია, რომ კოლუმბიასთან ბრაზილიელთა ლიდერმა ვინისიუს ჟუნიორმა ტურნირზე მე-2 ყვითელი ბარათი მიიღო, ეს კი იმას ნიშნავს, რომ ის ურუგვაისთან 1/4 ფინალურ დაპირისპირებას გამოტოვებს.
ასე რომ, ბრაზილიელებს რთული ბარიერის გადალახვა ლიდერის გარეშე მოუწევთ.
