კოპა ამერიკა 2024 - საუკეთესოები დასახელდნენ

კოპა ამერიკა 2024-ის ფინალურ შეხვედრაში არგენტინამ ლაუტარო მარტინესის გოლით კოლუმბია დაამარცხა და რეკორდული მე-16 ტიტული მოიგო.

ფინალის შემდეგ ტურნირის საუკეთესო მოთამაშეები დასახელდნენ.

გათამაშების საუკეთესო ფეხბურთელად ხამეს როდრიგესი დასახელდა, რომელმაც თავისი გუნდის წარმატებაში დიდი როლი ითამაშა.

ხამესმა ჯამში 1 გოლი და 6 საგოლე გადაცემა მიითვალა, მატჩის საუკეთესო მოთამაშე კი 4-ჯერ გახდა.

ტურნირის საუკეთესო მეკარე ემილიანო მარტინესი გახდა, რომელმაც 6 მატჩში მხოლოდ 1 გოლი გაუშვა.

ემილიანო ბოლო 3 სანაკრებო ტურნირზე დასახელდა საუკეთესოდ: კოპა ამერიკა 2021, მსოფლიო ჩემპიონატი 2022 და კოპა ამერიკა 2024.

კოპა ამერიკა 2024-ის საუკეთესო და ერთპიროვნული ბომბარდირი კი ლაუტარო მარტინესი გახდა 5 გოლით, მთავარი და გადამწყვეტი გოლი კი მოთამაშემ სწორედ ფინალში გაიტანა.