კორმიე: "მერაბმა პანტოჟას ბრძოლის ნაადრევად დასრულების გამო გახურება ვერ მოასწრო"

UFC-ის ორი წონის ექს-ჩემპიონმა, დანიელ კორმიემ ისაუბრა, რა შეიძლება გამხდარიყო მერაბ დვალიშვილის პიოტრ იანთან მარცხის მიზეზი.

„ალჯამეინ სტერლინგმა თქვა, რომ მერაბმა ვერ მოასწრო გახურება ისე, როგორც თავიდან გეგმავდა. მისი თქმით, მათ გახურება ალეშანდრე პატოჟას და ჯოშუა ვანის ბრძოლის წინ დაიწყეს, რომელიც დაგეგმილზე ბევრად მალე დამთავრდა.

საბოლოოდ, მათ ოქტაგონზე ბევრად ადრე მოუწიათ გასვლა, ვიდრე ელოდნენ. ბევრი იტყვის, რომ ეს უბრალოდ თავის მართლებაა, მაგრამ თუ ბრძოლის წინ წესივრად გახურება ვერ მოასწარი — ეს ყველაფერზე ახდენს გავლენას, მხოლოდ ფიზიკურ კი არა, ემოციურ განწყობაზეც." - აღნიშნა კორმიემ.

UFC 323-ზე გამართულ ღონისძიებაზე, რომელზეც მერაბ დვალიშვილი საჩემპიონო ქამარს წელს მეოთხედ იცავდა, ქართველი პიოტრ იანთან მსაჯების გადაწყვეტილებით დამარცხდა.