კოშმარი მახაჩევისთვის - რატომ უწოდებენ ამოსოვს ჩემპიონისთვის მთავარ საფრთხეს?

ხორხე მასვიდალმა ისლამ მახაჩევი გააფრთხილა და განაცხადა, რომ ქვესაშუალო წონის დივიზიონში არის მებრძოლი, რომელიც მოქმედ ჩემპიონს დიდ პრობლემებს შეუქმნის.

მახაჩევი ტიტულის პირველ დაცვას 15 აგვისტოს, UFC 330-ზე, იენ მაჩადო გერის წინააღმდეგ გეგმავს, თუმცა ყოფილი ორგზის სატიტულო პრეტენდენტი მიიჩნევს, რომ რეიტინგის მე-14 ნომერი იაროსლავ ამოსოვი მახაჩევისთვის კოშმარი იქნება.

მასვიდალის თქმით, უკრაინელი მებრძოლი ფიზიკურად უფრო დიდი, ძლიერი და ტექნიკურია:

ის ყველასთვის ცუდი ჩხუბია. იაროსლავი ისეთი კარგია, მახაჩევისთვისაც კოშმარია. იგი უფრო დიდი, მაღალი და, ვფიქრობ, ალბათ უფრო ძლიერიცაა თავისი ჭიდაობით.

მასვიდალმა ასევე ხაზი გაუსვა ამოსოვის გრეპლინგისა და სამბოს უნარებს:

ის ასევე, ვფიქრობ, სამბოში ორგზის მსოფლიო ჩემპიონია, რაღაც ამგვარი. ასე რომ, ის თავს გაართმევს ფეხის კვეთებს, ახლო მანძილზე ბრძოლას, რასაც მახაჩევს აკეთებს. იაროსლავი ალბათ შეძლებს მასთან მოგებას.