კოშმარული მეორე ტაიმი - ჟალგირისმა დინამო გაანადგურა

დინამო თბილისმა ევროტურნირების 2026-27 წლების სეზონში გამოსვლა დაასრულა.

თემურ ქეცბაიას გუნდმა, თბილისში მოგებული 3:0-ის შემდეგ, ჟალგირის ვილნიუსთან სტუმრად 2:7 წააგო და გათამაშებას გამოეთიშა.

შეხვედრის პირველი ნახევარი 1:1 დასრულდა, მეორე ტაიმში კი ლიეტუვურმა კლუბმა დინამოელები 6:1 გაანადგურა. დინამოელთაგან გოლები ლეო სანტოსისა და მათე ვაწაძის ანგარიშზეა - პირველმა მათგანმა გაათანაბრა, ხოლო 38 წლის ფორვარდმა 3:2 გახადა.

ვაწაძის გოლის შემდეგ, ბოლო 16 წუთში, ჟალგირისმა დინამოს 4 უპასუხო გოლი გაუტანა. აღსანიშნავია, რომ დინამოს ყოფილმა ფეხბურთელმა, სტანისლავ ბილენკიმ ჰეთ-თრიქი შეასრულა, ნიკოლა პეტკოვიჩის აქტივში კი დუბლი იყო (ასევე, პენალტი ვერ გაიტანა).

შეგახსენებთ, დინამო თბილისმა, კონფერენს ლიგის პირველ საკვალიფიკაციო ეტაპზე, ლუქსემბურგულ მონდორფს დამატებით დროში აჯობა.

შედეგად, საქართველოს ევროტურნირების წლევანდელ სეზონში ერთადერთი გუნდი შემორჩა - იბერია 1999, რომელიც ევროპა ლიგის მე-3 საკვალიფიკაციო ეტაპზე ჩრდილოეთ ირლანდიურ ვარნეს ხვდება.