რა ფორმაში არიან თბილისის დინამო და იბერია? - ბოლო ხუთი მატჩის სტატისტიკური შედარება

31 ოქტომბერს, ეროვნული ლიგის 31-ე ტურში, ბორის პაიჭაძის დინამო არენაზე თბილისური დერბი გაიმართება, სადაც დინამო თბილისი იბერია 1999-ს უმასპინძლებს.

დინამო თბილისი ბოლო ხუთ შეხვედრაში შესანიშნავ სათამაშო კონდიციებს აჩვენებს.

გუნდმა 4 გამარჯვება მოიპოვა და მხოლოდ 1 შეხვედრა დათმო. დინამოელებმა სერია 19 სექტემბერს სამგურალთან გასვლითი დრამატული გამარჯვებით (2:3) გახსნეს, რასაც იბერიას დამარცხება (1:2) მოჰყვა.

მიუხედავად იმისა, რომ 11 ოქტომბერს დინამო ბათუმთან მატჩი მინიმალური სხვაობით (1:0) დათმეს, გუნდმა სწრაფად გამოასწორა სიტუაცია. დინამომ სპაერი (3:1) და ბოლო ტურში რუსთავის მეტალურგი სტუმრად 2:0 დაამარცხა.

რაც შეეხება იბერია 1999-ს, გუნდი როგორც შიდა ჩემპიონატის, ისე ევროთასების შეხვედრებს ატარებს. ბოლო ხუთი მატჩის სტატისტიკით, იბერიამ 3 გამარჯვება მოიპოვა, 1 ფრე ითამაშა და 1 შეხვედრა დათმო. გუნდმა გამარჯვებით დაიწყო მეშახტე ტყიბულთან (1:2), თუმცა უეფას კონფერენს ლიგაზე სენტ-ტრუიდენთან გასვლაზე 2:0 დამარცხდა.

ამის შემდეგ, იბერიამ შიდა არენაზე დილა გორი 2:0 დაამარცხა, კონფერენს ლიგაზე შინ მიალბისთან ფრე (1:1) ითამაშა, ხოლო ბოლო ტურში შინ ქუთაისის ტორპედო დაძაბულ ბრძოლაში 3:2 დაამარცხა.