ნორვეგიის ნაკრების ფორვარდმა, ერლინგ ჰალანდმა დალასში, ველური დასავლეთის სტილის მაღაზიაში, თანაგუნდელების შენაძენი საკუთარი ჯიბიდან დააფინანსა და ჯამში დაახლოებით 10 000 დოლარი დახარჯა.
TMZ-ს ინფორმაციით, ფეხბურთელების მიერ შეძენილ სუვენირებს შორის იყო კოვბოის ქუდები, ენოტის ტყავის ქუდები, ჩექმები, ქამრები, პერანგები და ციყვის ფიტულებიც კი, რომელთა ფასი 450-დან 750 დოლარამდე მერყეობდა.
თავად ჰალანდმა სახლში ენოტის ფიტული წაიღო - მან ოსლოში ჩაფრენის შემდეგ, თვითმფრინავის ტრაპიდან ჩამოსვლისას, ამ ფიტულთან ერთად გადაღებული ფოტო სოციალურ ქსელშიც გამოაქვეყნა. მაღაზიის მფლობელის თქმით, ჰალანდმა და მისმა პარტნიორებმა სავაჭრო ობიექტში საათნახევარი გაატარეს.
შეგახსენებთ, რომ ნორვეგიის ეროვნულმა ნაკრებმა 2026 წლის მსოფლიო ჩემპიონატზე გამოსვლა 1/4 ფინალში დაასრულა, სადაც დრამატულ ბრძოლაში, დამატებით დროში ინგლისთან 1:2 დამარცხდა.
