WOW FC სწრაფ ზრდას განაგრძობს. 2025 წელს ესპანურმა MMA ორგანიზაციამ თავი ერთ-ერთ წამყვან ძალად დაიმკვიდრა და სექტორის ტოპ კომპანიებს შორის ადგილი დაიკავა, ხოლო ესპანეთში უდავო ლიდერი გახდა.
ამ ბუმს თან არაერთი სიახლე მოჰყვა, სულ ბოლო ამბავი კი ის არის, რომ კრიშტიანუ რონალდუ კომპანიის ახალი აქციონერი გახდა.
ასე რომ, პლანეტის ერთ-ერთი ყველაზე გავლენიანი და ცნობილი ფეხბურთელი შერეული საბრძოლო ხელოვნებების სამყაროში შედის, რაც გარდამტეხ მომენტს წარმოადგენს როგორც სპორტისთვის, ისე თავად კომპანიისთვის.
ამგვარად, პორტუგალიელი ფეხბურთელი, როგორც პარტნიორი, ილია თოფურიას, WOW-ის ყველაზე თვალსაჩინო სახეს, უერთდება. ელ მატადორი კომპანიის ზრდის პროცესში უმნიშვნელოვანესი ფიგურა იყო, ხოლო კრიშტიანუს ჩართვა კიდევ უფრო შეუწყობს ხელს მის გაფართოებას.
„ამ პროექტს სიამოვნებით ვუერთდები, რათა სპორტის განვითარებას ხელი შევუწყო და მომავალ თაობას შთაგონება მივცე.“ - განაცხადა კრიშტიანუ რონალდუმ WOW-ის აქციონერად გახდომის შემდეგ.
„MMA გამოხატავს იმ ღირებულებებს, რომლებსაც ნამდვილად ვიზიარებ: დისციპლინა, პატივისცემა, გამძლეობა და სრულყოფილებისთვის მუდმივი სწრაფვა.
WOW FC ქმნის რაღაც უნიკალურ და ძლიერს და მე ამ პროექტს სიამაყით ვუერთდები, რათა სპორტი კიდევ უფრო მაღალ დონეზე ავიყვანოთ და მომავალ თაობას შთაგონება მივცეთ,“ - აღნიშნა რონალდუმ.
