ტონი კროოსმა 11 მაისს გამართული ელ კლასიკო შეაფასა, რომელიც ბარსელონამ 4:3 მოიგო.
„ასეთია ზოგადი წარმოდგენა მთელ სეზონზეც. სიმართლე გითხრათ, როცა ანგარიში 2:0 იყო, მაშინაც ძალიან ეჭვი მეპარებოდა, რომ თამაში რეალის სასარგებლოდ დასრულდებოდა.
ეს ნამდვილად შთამბეჭდავია ფლიკის ბარსაში. ისინი აგებენ, მაგრამ აგრძელებენ ისე თამაშს, თითქოს არაფერი მომხდარა. არ ჩანდა, რომ მათ წაგების შიში ჰქონდათ. პირიქით, რეალს 2:0 მიჰყავდა და ეჭვები მათ უფრო ჰქონდათ.
ბარსელონა ბურთს მარტივად აკონტროლებს. რეალი კი არადამაჯერებლად მოქმედებდა და უცნაურია, რომ მათ ამხელა უპირატესობა გაანიავეს, ძალიან უცნაური.
რეალმა თითქმის ყველა მცველი დაკარგა. ყველა ელოდა, რომ ანჩელოტი დაცვიდან ითამაშებდა, მაგრამ ამისათვის საჭიროა ფეხბურთელები, რომლებმაც დაცვა კარგად იციან. გუნდების უმეტესობა მაღალ პრესინგს თამაშობს და სწორედ ამიტომ გაგვიჭირდა ამ სეზონში საუკეთესოებთან კონკურენცია." - აღნიშნა რეალის ექს-ნახევარმცველმა.
