ისრაელის ნაკრების კარში შესრულებული დუბლი ხვიჩა კვარაცხელიასთვის გარკვეულწილად ისტორიული გამოდგა.
ნაკრების ახალმა კაპიტანმა ხვიჩა კვარაცხელიამ ნაკრებში გოლების რაოდენობა 22-მდე გაზარდა, გიორგი მიქაუტაძეს (21) გადაასწრო და ნაკრების ყველა დროის ბომბარდირთა დავაში მეორე ადგილზე გადაინაცვლა.
შესაბამისად მიქაუტაძე, რომელმაც ამ მატჩში ერთი საგოლე პასი მიითვალა, ერთი პოზიციით ჩამოქვეითდა და მესამე ადგილს იკავებს.
ტოპ 5 ასე გამოიყურება:
1. შოთა არველაძე — 26 გოლი (61 მატჩში)
2. ხვიჩა კვარაცხელია — 22 გოლი (48 მატჩში)
3. გიორგი მიქაუტაძე — 21 გოლი (42 მატჩში)
4. თემურ ქეცბაია — 17 გოლი (52 მატჩში)
5. ალექსანდრე იაშვილი — 15 გოლი (68 მატჩში).
