თურქეთის ქალაქ ანტალიაში გამართულ პარატაეკვონდოს სარეიტინგო ტურნირზე, საქართველოს ნაკრებმა 3 მედალი მოიპოვა.
-52 კგ. წონით კატეგორიაში, ანა ჯაფარიძემ საუკეთესო შედეგი აჩვენა, ტურნირის ჩემპიონი გახდა და ოქროს მედალი მიიღო. ცნობისთვის, ჯაფარიძემ, 2 კვირის წინ, კიდევ ერთ სარეიტინგო ტურნირზე იასპარეზა და ლოს ანჯელესში ვერცხლის მედლის მფლობელი გახდა.
რაც შეეხება ანტალიის ტურნირის კიდევ 2 ქართველ პრიზიორს, გიორგი ნიკოლაძემ (-70 კგ.) ვერცხლის მედალი მოიპოვა, ხოლო ლიკუნა ჩაჩიბაია (-47 კგ.) ბრინჯაოს მედალს დაეუფლა.
