საქართველოს ეროვნული გუნდის მთავარმა მწვრთნელმა, ვილი სანიოლმა, ისრაელთან ამხანაგური მატჩის წინ, კომენტარი გააკეთა.
"ვიცით, რომ ერთა ლიგა მხოლოდ სექტემბერში იწყება, თუმცა ბევრს ვმუშაობთ, რადგან ორი კარგი მატჩის ჩატარება გვინდა. დადებითი შედეგი და წარმატება იქნება ის, თუ ამბიცია, დისციპლინა და ხარისხი გვექნება.
რაც შეეხება გიორგი ჩაკვეტაძესა და საბა გოგლიჩიძეს, ორივე გარკვეული პრობლემებით ჩამოვიდა. არ ვიცი, ღირს თუ არა ახლა, ამხანაგურ მატჩებში, რაიმე რისკზე წასვლა. განსაკუთრებით ჩაკვეტაძის შემთხვევაში - მას კარიერის განმავლობაში ტრავმებთან არაერთი პრობლემა ჰქონია. ამ ეტაპზე, ის ჩვენთან ერთად არის და ვფიქრობ, ხვალ სამედიცინო შტაბთან კიდევ ერთხელ შევამოწმებთ მდგომარეობას, შემდეგ კი გადაწყვეტილებასაც მივიღებთ.
მინდა, ჩვენი გულშემატკივრები ისეთივე იყვნენ, როგორიც ევრო 2024-ის დროს. კვლავ დაგვეხმარონ, რადგან მათ გარეშე ვერაფერს მივაღწევთ. ამიტომ გთხოვთ, ჩვენ გვერდით იყავით მაშინაც კი, როცა ეს რთულია. თუ ისევ ისეთი დიდი მომენტები გვინდა, როგორიც ევროპის ჩემპიონატზე გვქონდა, მაშინ ყველას ერთად გვჭირდება ბრძოლა", - აღნიშნა სანიოლმა.
საქართველოსა და ისრაელის ეროვნულ ნაკრებთა შეხვედრა 26 მარტს, მიხეილ მესხის სახელობის სტადიონზე, 21:00 საათიდან დაიწყება. პირდაპირი რეპორტაჟი საქართველოს პირველ არხზეა.
ფოტო: NAKREBI.GE
VIDEO: ჩაკვეტაძესა და გოგლიჩიძეს გუნდთან ისევ არ უვარჯიშიათ - დღეს ისრაელთან მატჩია
