VIDEO: ჩაკვეტაძესა და გოგლიჩიძეს გუნდთან ისევ არ უვარჯიშიათ - დღეს ისრაელთან მატჩია
2 სთ წინ · 0 წთ წასაკითხად
-
Aa
+
ფონტის ზომა
დღეს, საქართველოს ეროვნული ნაკრები წლის პირველ შეხვედრას 26 მარტს, თბილისში, ისრაელის წინააღმდეგ გამართავს.
ჯვაროსნებმა მატჩამდე ბოლო ვარჯიში მიხეილ მესხის სახელობის სტადიონზე ჩაატარეს. პროცესში კვლავ არ მიუღია მონაწილეობა გიორგი ჩაკვეტაძეს, ხოლო საბა გოგლიჩიძემ ინდივიდუალურად ივარჯიშა.
საქართველოს ნაკრები ისრაელთან მე-6 ურთიერთშეხვედრას გამართავს - 1 მოგება, 2 ფრე, 3 წაგება. ერთადერთი გამარჯვება 2001 წლის 24 აპრილით თარიღდება - ჩვენმა გუნდმა, ქეცბაიას დუბლითა და არჩილ არველაძის გოლით, 3:2 მოიგო.
ჩვენი ნაკრებისთვის 26 მარტი განსაკუთრებული თარიღია - ევრო 2024-ის საგზური სწორედ ამ დღეს მოვიპოვეთ. გარდა ამისა, ჯვაროსანთა ვიცე-კაპიტან ოთარ კიტეიშვილის დაბადების დღეა - 30 წლის გახდა.
საქართველოსა და ისრაელის ნაკრებთა ამხანაგური შეხვედრა 21:00 საათზე დაიწყება. პირდაპირ რეპორტაჟს საქართველოს პირველი არხი შემოგვთავაზებს.
