ლა ლიგის კლუბი ჩაკვეტაძის ვარიანტს განიხილავს

ვალენსიური Tribuna Deportiva გიორგი ჩაკვეტაძესთან დაკავშირებით საინტერესო ინფორმაციას ავრცელებს.

წყაროს ცნობით, ქართველი ფეხბურთელი ვალენსიაში ცენტრალურ ნახევარდაცვაში ერთ-ერთ ვარიანტად განიხილება.

ვალენსიას სურს, რომ მოთამაშე უოტფორდიდან გამოსყიდვის უფლებით დაიმატოს. ჩაკვეტაძე მთავარ მწვრთნელ კარლოს კორბერანსაც მოსწონს და თავად გიორგისაც სურს ვალენსიაში გადასვლა.

ჩაკვეს უოტფორდთან კონტრაქტი 2029 წლამდე აკავშირებს. მან გასულ სეზონში ჩემპიონშიფში 39 მატჩი ჩაატარა და 2 გოლი და 6 საგოლე გადაცემა მიითვალა.

ქალაქი ვალენსია ახლახანს დატოვა ორმა ქართველმა - გიორგი მამარდაშვილი ვალენსიადან კარიერას ლივერპულში გააგრძელებს, გიორგი ქოჩორაშვილი კი ლევანტედან სპორტინგში გადავიდა.