ლეგენდარულ ინგლისელ ფეხბურთელსა და მწვრთნელს მძიმე დიაგნოზი დაუსვეს

ნიუკასლისა და ლივერპულის ლეგენდას, კევინ კიგანს, კიბოს დიაგნოზი დაუსვეს და იგი მკურნალობას გაივლის.

კიგანის ოჯახი ადასტურებს: „გამოკვლევებმა გამოავლინა კიბოს დიაგნოზი, რის გამოც კევინი მკურნალობას დაიწყებს.

„კევინი მადლიერია სამედიცინო გუნდის ჩარევისა და მიმდინარე ზრუნვისთვის. ამ რთულ პერიოდში ოჯახი პირადი სივრცის პატივისცემას ითხოვს და დამატებით კომენტარს არ გააკეთებს.“

74 წლის კიგანი ნიუკასლს ორჯერ წვრთნიდა და ასევე თამაშობდა ამ კლუბში, ხოლო ლივერპულთან ერთად 1970-იან წლებში პირველი დივიზიონის ტიტული 3-ჯერ მოიგო, ბუნდესლიგის კლუბ ჰამბურგში თამაშისას კი 2-ჯერ მიიღო ოქროს ბურთი.

მან ინგლისის ნაკრების მაისურით 63 მატჩში 21 გოლი გაიტანა; ასევე იყო ნაკრების კაპიტანი და მთავარი მწვრთნელი 1999–2000 წლებში.