დღეს კეპრენ ტურამმა იუვენტუსში სამედიცინო შემოწმება გაიარა და თავის ახალ კლუბთან კონტრაქტი 2029 წლამდე გააფორმა.
მოთამაშე ტურინულ გუნდს ფრანგული ნიცადან შეუერთდა.
კეპრენს ახალ კლუბში გატარებულ პირველ დღეს ლეგენდერული მამაც თან ახლდა. სიმბოლურია, რომ ლილიან ტურამს იუვენტუსში 200-ზე მეტი მატჩი აქვს ჩატარებული, ახლა კი ამ გუნდის მაისურით მისი შვილი ითამაშებს.
შეგახსენებთ, რომ ლილიანის მეორე შვილი მარკუსიც სერია ა-ში თამაშობს.
მომავალ სეზონში კი ინტერისა და იუვენტუსის დაპირისპირების დროს ძმებსაც ვიხილავთ ერთმანეთის წინააღმდეგ.
ბიანკონერიმ 23 წლის ნახევარმცველის სანაცვლოდ ნიცას 25 მილიონი ევრო გადაუხადა.
