ლევანდოვსკისაც აჯობა - დავითაშვილი ტოპ-ჩემპიონატების კვირის საუკეთესო ფეხბურთელად დასახელდა

გამოცემა WhoScored-ის შეფასებების მიხედვით, ზურიკო დავითაშვილი გასული სათამაშო უიქენდის ტოპ-ლიგების საუკეთესო ფეხბურთელად დასახელდა.

ოსერთან მატჩში ქართველმა შემტევმა ჰეთ-ტრიკი შეასრულა და თავის გუნდს 3:1 გამარჯვებაში დაეხმარა.

ნიშანდობლივია, რომ ზურიკომ ასევე ჰეთ-ტრიკის ავტორ რობერტ ლევანდოვსკისაც კი აჯობა, რომლის სამი გოლიც ბარსელონას ალავესთან მატჩის 3:0 მოგებაში დაეხმარა.

სათამაშო უიქენდის საუკეთესო შეფასებებისგან შემდგარი გუნდი კი ასე გამოიყურება:

მეკარე: დე ხეა (ფიორენტინა, 9.3)

მცველები: გარნერი (ევერტონი, 7.5), დე როონი (ატალანტა, 8.6), რაილო (მალიორკა, 8.4), ტალიაფიკო (ლიონი, 8.0)

ნახევარმცველები: საკა (არსენალი, 9.4), დამსგორი (ბრენტფორდი, 8.9), ედერსონი (ატალანტა, 8.7), დავითაშვილი (სენტ ეტიენი 10.0)

თავდამსხმელები: ლევანდოვსკი (ბარსელონა, 9.9), რეტეგი (ატალანტა, 9.6).