"მადლობა ასეთი დახვედრისთვის" - დე ხეა ოლდ ტრაფორდზე დაბრუნდა

ოლდ ტრაფორდზე მანჩესტერ იუნაიტედსა და ფიორენტინას შორის ამხანაგური მატჩი გაიმართა.

კლუბიდან წასვლიდან ორი წლის შემდეგ ოცნებების თეატრში დავიდ დე ხეა დაბრუნდა, რომელსაც იუნაიტედის გულშემატკივრები თბილად დახვდნენ. მატჩის დაწყების წინ მანჩესტერელთა კაპიტანმა, ბრუნო ფერნანდეშმა ესპანელ მეკარეს სპეციალური საჩუქარი გადასცა.

დავიდ დე ხეა ოლდ ტრაფორდზე დაბრუნებას სოციალურ ქსელში გამოეხმაურა.

"ჩემს სახლში, ოლდ ტრაფორდზე დაბრუნება მაგიური მომენტია ჩემთვის და ჩემი ოჯახისთვის.

მთელი გულით - მინდა, მადლობა გადაგიხადოთ დახვედრისთვის - იმ სიყვარულისთვის, რომელიც დღეს მაჩვენეთ.

გულშემატკივრებს, რომლებსაც ამ კლუბში ჩემი ყოფნისას ჩემს გვერდზე ყოველთვის იდგნენ.

ჩვენი გზები კვლავ გადაიკვეთება...

ჩვენ ყველაფერი ვნახეთ." - წერს დე ხეა.

მანჩესტერისა და ფიორენტინას მატჩის ძირითადი დრო 1-1 დასრულდა, პენალტების სერიაში კი იუნატედმა 5-4 იმარჯვა.