გრიმსბის მეკარე: "მანჩესტერის გულშემატკივარი ვარ, ამიტომ ცოტა გავბრაზდი"

გრიმსბის მეკარემ, კრისტი პიმმა, მანჩესტერ იუნაიტედის დამარცხების შემდეგ აღიარა, რომ წითელი ეშმაკების გულშემატკივარია.

ინგლისის ლიგის თასის პირველ ტურში მე-4 ლიგის გუნდმა მანჩესტერ იუნაიტედი დაამარცხა (2:2, 12:11 პენალტებში).

„მომხდარი ჯერ კიდევ არ გამიაზრებია. მანჩესტერ იუნაიტედის გულშემატკივარი ვარ, ამიტომ ცოტა გავბრაზდი. თუმცა, ფეხბურთს სწორედ ასეთი საღამოების გამო ვთამაშობ.

უბრალოდ შესანიშნავი რაღაც მოხდა. პენალტების სერიაში უკეთ უნდა მეთამაშა, არა? მხოლოდ ერთი ბურთი მოვიგერიე, დანარჩენი საქმე კი ბიჭებმა გააკეთეს. დაუჯერებელია." - აღნიშნა გრიმსბი თაუნის მეკარემ კრისტი პიმმა.