მაიამი ჰიტმა ოფიციალურად გამოაცხადა, რომ მილუოკი ბაქსიდან NBA-ის ჩემპიონი, ორგზის MVP და 10-გზის ოლ-სტარი იანის ანტეტოკუნმპო და ასევე NBA-ის ჩემპიონი ბობი პორტის უმცროსი დაიმატა.
სანაცვლოდ მილუოკიმ ტაილერ ჰირო, კასპარას იაკუჩიონისი, ხაიმე ხაკესი უმცროსი, კელელ უეარი, 2026, 2031 და 2033 წლების პირველი რაუნდის 3 დრაფტ-პიკი, 2030 წლის პირველი რაუნდის პიკების გაცვლის უფლება (pick swap) და 2033 წლის მეორე რაუნდის დრაფტ-პიკი მიიღო.
„დღევანდელი გაცვლა, რომლის შედეგადაც იანის ანტეტოკუნმპო და ბობი პორტის უმცროსი დავიმატეთ, ჰიტის ისტორიაში ერთ-ერთი უდიდესი ტრანსფერია,“ - განაცხადა ჰიტის პრეზიდენტმა პეტ რაილიმ.
„ჩემი აზრით, იანისი ლიგის 5 საუკეთესო მოთამაშეს შორისაა, ხოლო ბობი ერთ-ერთი საუკეთესო მძიმე ფორვარდია. ყველაზე რთული ნაწილი ტაილერის, კასპარასის, ხაიმესა და კელელის გაშვება იყო, რადგან მათ ამ ორგანიზაციას ძალიან ბევრი მისცეს. მათ მხოლოდ საუკეთესოს ვუსურვებთ.
გვჯერა, რომ ეს გაცვლა მომავალში ტიტულისთვის ბრძოლის უკეთეს შესაძლებლობას გვაძლევს. მინდა იანისსა და ბობის მაიამი ჰიტის ოჯახში მივესალმო.“
ჰიტის შემადგენლობაში იანის ანტეტოკუნმპო 7-ნომრიანი მაისურით ითამაშებს, ხოლო ბობი პორტის უმცროსი – 95-ნომრიანით.
