კონორ მაკგრეგორი UFC 329-ის მოახლოებულ ბრძოლაზე საუბრობს და აცხადებს, რომ მიმდინარე საწვრთნელ ბანაკში მან მეტი პარტნიორი დაანოკაუტა, ვიდრე კარიერის რომელიმე სხვა პერიოდში.
5-წლიანი პაუზის შემდეგ ოქტაგონზე დაბრუნებული ირლანდიელი აღნიშნავს, რომ მან ვარჯიშის დეტალები შეგნებულად შეინახა საიდუმლოდ და არცერთი ვიდეო არ გაუსაჯაროებია, რათა მეტოქისთვის, მაქს ჰოლოუეისთვის, მზადება გაერთულებინა.
მაკგრეგორი აცხადებს, რომ მაქს ჰოლოუეის კიკბოქსინგის სტილის გათვალისწინებით, მას ჰყავდა შესაბამისი და მაღალი დონის საწვრთნელი პარტნიორები, რომლებთანაც დახურულ კარს მიღმა საკმაოდ მძიმე დაპირისპირებები ჰქონდა.
მისი თქმით, ეს სიმკაცრე აუცილებელია იმისთვის, რომ კვლავ ჩემპიონის დონეზე ასპარეზობდეს. შეგახსენებთ, რომ მაკგრეგორისთვის ეს იქნება პირველი ბრძოლა 2021 წლის შემდეგ, როდესაც მან დასტინ პორიესთან დაპირისპირებაში ფეხი მოიტეხა.
თავის მხრივ, ჰოლოუეი ასევე მარცხის შემდეგ ბრუნდება. მარტში მან BMF-ის ქამარი ჩარლზ ოლივეირასთან დათმო. UFC 329, სადაც მაკგრეგორი და ჰოლოუეი მთავარ ბრძოლაში შეხვდებიან, 11 ივლისს გაიმართება.
