მაკლარენის მორიგი დუბლი - უნგრეთის გრან პრი ნორისმა მოიგო

ფორმულა 1-ში უნგრეთის გრან პრი გაიმართა.

რბოლის გამარჯვებული ლანდო ნორისი გახდა, რომელიც რბოლა მე-3 პოზიციიდან დაიწყო. პოულ პოზიცია შარლ ლეკლერმა მოიპოვა, რომელმაც უპირატესობა ვერ შეინარჩუნა და საბოლოოდ რბოლა მე-4 ადგილზე დაასრულა.

ლანდო ნორისმა დუელი თანაგუნდელ ოსკარ პიასტრის მოუგო, მაკლარენმა კი მორიგი დუბლი მიითვალა. რაც შეეხება პოდიუმის მე-3 ადგილს, შარლ ლეკლერს პოზიცია ჯორჯ რასელმა მოუგო და მერსედესის პილოტმა პოდიუმი დააკომპლექტა.

უნგრეთის გრან პრიზე ქულები ასე განაწილდა:

1. ლანდო ნორისი (მაკლარენი) - 25 ქულა

2. ოსკარ პიასტრი (მაკლარენი) - 18 ქულა

3. ჯორჯ რასელი (მერსედესი) - 15 ქულა

4. შარლ ლეკლერი (ფერარი) - 12 ქულა

5. ფერნანდო ალონსო (ასტონ მარტინი) - 10 ქულა

6. გაბრიელ ბორტოლეტო (ზაუბერი) - 8 ქულა

7. ლენს სტროლი (ასტონ მარტინი) - 6 ქულა

8. ლიამ ლოუსონი (რეისინგ ბულსი) - 4 ქულა

9. მაქს ვერსტაპენი (რედ ბული) - 2 ქულა

10. კიმი ანტონელი (მერსედესი) - 1 ქულა

ლანდო ნორისმა საჩემპიონო დავაში ოსკარ პიასტრისთან სხვაობა 9 ქულამდე შეამცირა.

1. ოსკარ პიასტრი - 284 ქულა

2. ლანდო ნორისი - 275 ქულა

3. მაქს ვერსტაპენი - 187 ქულა

4. ჯორჯ რასელი - 172 ქულა

5. შარლ ლეკლერი - 151 ქულა

კონსტრუქტორთა დავაში მაკლარენი სერიოზულ უპირატესობას ფლობს.

1. მაკლარენი - 559 ქულა

2. ფერარი - 260 ქულა

3. მერსედესი - 246 ქულა

ფორმულა 1-ში დაახლოებით ერთთვიანი შესვენება იქნება. მომდევნო გრან პრი 29-31 აგვისტოს ნიდერლანდებში გაიმართება.