მაქს ვერსტაპენმა დაადასტურა, რომ 2026 წლის სეზონში ის რედ ბულში დარჩება.
ფორმულა 1-ის ოთხგზის ჩემპიონმა მისი მომავლის გარშემო არსებული გაურკვევლობა დაასრულა.
უნგრეთის გრან პრის წინ, ნიდერლანდელმა ოფიციალურად გამოაცხადა, რომ ის 2026 წელს რედ ბულში რჩება.
"ვფიქრობ, დროა, რომ ჭორები დავასრულოთ. ჩემთვის ყოველთვის აშკარა იყო, რომ ნებისმიერ შემთხვევაში ვრჩებოდი. ვფიქრობ, გუნდშიც ასეთი შეგრძნება იყო." - განაცხადა მაქსმა.
ბოლო პერიოდში მაქს ვერსტაპენის სახელს მერსედესსა და ტოტო ვოლფს უკავშირებდნენ.
ფორმულა 1 - ფაქტები, რომლებიც უნგრეთის გრან პრიზე უნდა იცოდეთ
