მამარდაშვილი: "ბევრად წინ ვართ იმ ნაკრებზე, რომელშიც დებიუტი მქონდა"

გიორგი მამარდაშვილის კომენტარი ჩეხეთთან მოპოვებული გამარჯვების შემდეგ, რომელიც მან Geo Team-თან გააკეთა.

„ჩემი აზრით დღევანდელი თამაში განსაკუთრებით მნიშვნელოვანი იყო, იმიტომ რომ ევროპის ჩემპიონატის შემდეგ, ყველაზე მნიშვნელოვანია როგორ დაიწყებ.

ახლა მნიშვნელოვანია, როგორ გააგრძელებ და მეც და ყველასაც გვინდა რომ კარგად გავაგრძელოთ ის განვითარება და წინსვლა, რომელიც ამ პერიოდში გვაქვს. არ უნდა გავჩერდეთ არავითარ შემთხვევაში.

ლივერპულში ტრანსფერი? რა თქმა უნდა რთული პერიოდია, როცა ტრანსფერზე მიდის ლაპარაკი. ამ დროს ბევრი ფიქრი მოგდის თავში, მაგრამ იმიტომ ვართ პროფესიონალები რომ ამ ყველაფერს გავუძლოთ. არ მინერვიულია არაფერზე და არც ახლა ვნერვიულობ, მშვიდად ვარ.

სხვაობა იმ ნაკრებთან, რომელშიც დებიუტი მქონდა? ბევრად დიდი სხვაობაა, მეტი გამოცდილება გვაქვს როგორც გუნდს. ვიცით, როგორ ვითამაშოთ ასეთი თამაშები და მომატებული გვაქვს თითქმის ყველა ასპექტში." - აღნიშნა მამარდაშვილმა.