საქართველოს ეროვნული ნაკრების მეკარის, გიორგი მამარდაშვილის გარშემო ბოლო დროს გავრცელებულმა სატრანსფერო ჭორებმა ფეხბურთის გულშემატკივრების დიდი ინტერესი გამოიწვია.
ბრიტანულ და ესპანურ მედიაში აქტიურად იწერებოდა, რომ ნოტინგემ ფორესტი ზაფხულის სატრანსფერო ფანჯრის მიწურულს ქართველი მეკარის დამატებას ცდილობდა და რომ კლუბმა ლივერპულსაც მიმართა.
გავრცელებული ინფორმაციით, ინტერესი რეალური იყო, რადგან მამარდაშვილი მერსისაიდულ კლუბში ძირითადი შემადგენლობისთვის ბრძოლაში ალისონ ბეკერის კონკურენტია და სათამაშო პრაქტიკის მიღება სურს.
მიუხედავად ამისა, სანდო გამოცემამ, This Is Anfield-მა დაწერა, რომ კლუბის პოზიცია მკაფიოა - გიორგი მამარდაშვილი ლივერპულში რჩება და მისი გაშვება ამ ეტაპზე მოსალოდნელი არ არის.
მიუხედავად იმისა, რომ სატრანსფერო ფანჯრის დახურვამდე ბოლო წუთებში სხვადასხვა ვარიანტი სახელდებოდა, ინგლისური გრანდი ქართველი მეკარის შენარჩუნებას და გუნდში დატოვებას გეგმავს.
