მანჩესტერმა კამერუნელი ნახევარმცველის ტრანსფერი დაადასტურა

მანჩესტერ იუნაიტედმა დაადასტურა, რომ კარლოს ბალება კლუბს შეუერთდა.

კამერუნის ნაკრების ფეხბურთელმა კლუბთან კონტრაქტი 2031 წლის ივნისამდე გააფორმა, ხელშეკრულების კიდევ ერთი წლით გახანგრძლივების შესაძლებლობით.

22 წლის ასაკში ბალებამ უკვე დაიმკვიდრა თავი, როგორც პრემიერ ლიგის ერთ-ერთმა ყველაზე ნიჭიერმა ნახევარმცველმა.

2024/25 წლების სეზონში ართმევებისა და ჩაჭრების ჯამური რაოდენობით მან ლიგის ნახევარმცველებს შორის მე-6 ადგილი დაიკავა, ხოლო 90 წუთზე ბურთით პროგრესული წინსვლების მაჩვენებლით მე-4 იყო.

გასულ სეზონში ბალებამ პრემიერ ლიგაში 31 მატჩი ჩაატარა. ართმევებისა და ჩაჭრების ჯამური მაჩვენებლით ის ფეხბურთელთა საუკეთესო 8%-ში მოხვდა, ხოლო მეორე ბურთების მოგების მაჩვენებლით - საუკეთესო 1%-ში. ის ბრაიტონს UEFA-ს კონფერენს ლიგის საგზურის მოპოვებაში დაეხმარა.

ტრანსფერის ღირებულება 65 მილიონი ფუნტია, რასაც ბონუსების სახით კიდევ 5 მილიონი ფუნტი შეიძლება დაემატოს.