სატრანსფერო ფანჯრის დახურვამდე ბარსელონაში შესაძლოა დიდი ცვლილებები განხორციელდეს.
როგორც El Chiringuito იტყობინება, კლუბი შესაძლოა 5 ფეხბურთელს შეელეოს.
სიის სათავეში მარკ კასადო და ჰექტორ ფორტი არიან, რომლებიც გუნდისგან განცალკევებით ვარჯიშობენ და მათი წასვლა პრაქტიკულად გადაწყვეტილია.
რაც შეეხება ფრენკი დე იონგს, კუნდესა და ახალგაზრდა მცველ ალეხანდრო ბალდეს, ბარსელონა მათთვის შეთავაზებების მოსასმენად მზადაა.
კუნდეს სიტუაცია განსაკუთრებით საინტერესოა. წინასასეზონო პერიოდში ჰანსი ფლიკმა ფრანგ მცველთან ისაუბრა და აუხსნა, რომ მისი როლი შეიცვლება. მარჯვენა მცველის პოზიციაზე უპირატესი ვარიანტი ერიკ გარსია იქნება, ხოლო კუნდე უფრო ცენტრალურ მცველად ითამაშებს.
ფრენკი დე იონგის მდგომარეობას კლუბი ყურადღებით აკვირდება. ბარსელონასთან მისი ურთიერთობა ახლა იდეალურ დონეზე არ არის და კლუბი სატრანსფერო წინადადების შემთხვევაში კარს ღიას ტოვებს.
ბალდეს აცნობეს, რომ ის ფლიკის გეგმებში არ ჯდება. მისით მანჩესტერ იუნაიტედია დაინტერესებული და არსებობს რეალური შანსი, რომ კლუბებმა მის ტრანსფერზე მოლაპარაკებები დაიწყონ.
კლუბს ფეხბურთელთა გაშვება ახალი ცენტრფორვარდისთის ფინანსური რესურსის განთავისუფლებისთვის სურს.
