გავრცელებული ინფორმაციით, პორტუგალიელი ფორვარდი რაფაელ ლეაუ მომავალთან დაკავშირებით თავის პოზიციას მკაფიოდ აფიქსირებს.
თუ ის მიმდინარე ზაფხულს მილანს დატოვებს, მისი ერთადერთი სასურველი კლუბი გალათასარაია.
გასული რამდენიმე საათის განმავლობაში პორტუგალიელის თაობაზე სხვა კლუბებიდან მიღებული ორი შეთავაზება უკვე უარყოფილია. ლეაუს პოზიცია ურყევია: ის ან კონტრაქტის ამოწურვამდე მილანში დარჩება, ან კარიერას თურქეთში გააგრძელებს.
ფეხბურთელმა კლუბის მენეჯმენტს უკვე აცნობა, რომ ტრანსფერის შემთხვევაში სხვა არცერთი მიმართულების განხილვა არ სურს.
გალათასარაი პორტუგალიელი თავდამსხმელის გადმობირებისთვის ძალისხმევას არ იშურებს. სტამბოლური კლუბი ცდილობს მილანი დაარწმუნოს, რომ ლეაუ გაუშვას.
რაფაელ ლეაუ 2019 წელს ლილიდან გადმოსვლის შემდეგ როსონერის ლიდერად და შეტევის მთავარ დამრტყმელ ძალად იქცა.
