პორტუგალიის ნაკრების მთავარმა მწვრთნელმა, რობერტო მარტინესმა ისაუბრა თუ რა ხდის კრიშტიანუ რონალდუს უნიკალურს.
ჩემს კარიერაში ბევრ გენიოსთან მიმუშავია. ყველა მათგანს აქვს გამორჩეული ტვინი. მაგრამ კრიშტიანუ რონალდუსთან ერთი განსაკუთრებული რამ არის - ის არასოდეს კარგავს მოტივაციას. ჩვეულებრივ, ფეხბურთელი როცა რაღაცას იგებს ან აღწევს წარმატებას, მეორე დღეს იმავე შიმშილს აღარ გრძნობს. რონალდუსთან ასე არ არის. მისთვის ყოველი დილა ახალი შესაძლებლობაა, რომ უკეთესი გახდეს და კვლავ მოიგოს. ეს უნიკალურია.
კრიშტიანუს უკვე 20-წლიანი კარიერა აქვს. ის აღარ არის ისეთივე ფეხბურთელი, რაც ადრე იყო, მაგრამ ყოველთვის პოულობს გზას, რომ სასარგებლო იყოს და ის სხვებისთვისაც მაგალითია იმით, რასაც მოედანზე აკეთებს.
ამის გარდა, მისი სიყვარული ფეხბურთისა და ეროვნული გუნდისადმი ყველასთვის თვალსაჩინოა. მას უკვე 200-ზე მეტი თამაში აქვს ჩატარებული და კვლავ აგრძელებს მაგალითის მიცემას. ეს სამუდამოდ ემახსოვრება ყველას." - განაცხადა ესპანელმა სპეციალისტმა.
რონალდუ: "ვიცი, რომ სათამაშოდ ბევრი წელი აღარ დამრჩა"
