მარცხი ბერძნებთან - ქალთა ნაკრებმა მსოფლიოს შესარჩევზე გამოსვლა დაასრულა

საქართველოს ქალთა ნაკრებმა მსოფლიო ჩემპიონატის შესარჩევ ეტაპზე გამოსვლა დაასრულა.

ირის ანტმანის გუნდმა ბოლო, მე-4 ტურში საბერძნეთს უმასპინძლა და 2:3 დამარცხდა. ჩვენების ორივე გოლი სტანდარტულ მდგომარეობას მოჰყვა - მე-6 და 63-ე წუთებზე, ბერძნებმა ორი ავტოგოლი გაიტანეს.

აღსანიშნავია, რომ ნაკრებში სადებიუტო მატჩი ჩაატარა 15 წლის თეკლა ბერიძემ, რომელიც მოედანზე 76-ე წუთიდან შეიყვანეს.

4 ტურის შემდეგ საბოლოო ცხრილი ასეთია - საბერძნეთმა 12 ქულა დააგროვა და საკვალიფიკაციოს პლეი-ოფში გავიდა, ფარერის კუნძულებმა გამოსვლა 6 ქულით დაასრულა, ხოლო ჩვენი გუნდი ბოლოადგილოსანია (0 ქულით).

ფოტო: NAKREBI.GE